السلام عليكم ورحمة الله وبركاته
بعدد أشياء مفروض انا مانستخدمها على بشرتنا - الوجه -
و أغلبها رح يكون السبب درجة حموضتها ماتتناسب مع درجة حموضة بشرتنا
ايش أقصد بدرجة الحموضة هنا موضوع متكامل شرح بالتفصيل
يلا نبدأ
الباكنج صودا
الباكنج صودا مايستخدم على وجهنا ابببد
الباكنج صودا مره قلوي واذا قشرنا بشرتنا فيه احنا جالسين نضر الطبقة الدهنية اللي بالبشرة
الطبقة الدهنية تحافظ على صحة البشرة و تحميها من الاشياء الضارة اللي بالجو ماتدخل جوا
وبكذا درجة الحموضة المعتدلة تحافظ على الطبقة الدهنية والرطوبة بالبشرة
الليمون
ليمون وسكر مقشر للبشرة > كثير نقرأ هذي الخلطة بالنت انها تفتح ومدري ايش
ليش ماينفع استخدم الليمون ؟ اولاً درجة حموضة الليمون منخفضة جداً ونسبة حمض السيتريك أسيد فيه عالية
هذولي رح يسببون حكة واحمرار للبشرة ويزيد تحسس البشرة للشمس مما يعرضها للإسمرار !
معجون الأسنان
معجون الاسنان كثير يستخدمونه على حب الشباب و اثارها
أول شي ايش مكونات معجون الاسنان
* باكنج صودا و زي ماقلنا جدا قلوي
* لوريل سلفات الصوديوم - هي المادة اللي تطلع رغوة للمعجون - وهو قلوي و الاستخدام المتكرر له يجفف البشره ويشققها
* سيليكا وهي مادة كاشطة
* نعناع وبعض البشرات ما تتحمله ويسبب لها تهيج
وغيرها من المنكهات واللي ماتستخدم للعناية بالبشرة ابداً
خل التفاح
كثير ينصحون اللي بشرتها دهنية او فيها حب شباب تستخدم خل التفاح كتونر للبشرة !!
خل التفاح مادة مرة حمضية ومع الاستخدام المتكرر لها رح تدمرين الطبقة الدهنية وبكذا بشرتك بتصير ماتحتفظ بالرطوبة ابداً حتى لو استخدمتي مرطب ثقيل متخيله !
خل التفاح صح مفيد لحب الشباب بس ايش الفايدة تحلين مشكلة و تطلعين بمشكله اكبر
عموما اذا كنتي مصرة خففي بموية وأكيد لا تستخدمينه مركز بأي حال من الاحوال
بالنهاية لازم نعرف ان مو معنى الشي اذا كان طبيعي يعني مارح يضر بشرتنا
يارب تكونون استفدتو من التدوينة
افرح بتعليقاتكم هنا أو بالتويتر
حبيبتي سوسو التدوينة رائعه جداً
ردحذفالله يوفقك ،
حبيبتي آنتي نزلتي بوست عن الطين الهندي مع الخل ! طيب أقدر استبدل الخل بـ[ موية ورد ]
ردحذفشوفي ردي على وحده من البنات بهذاك الموضوع وضحت الفكره بالضبط
حذفبس ايه تقدرين تستبدلينه بمويه عاديه أو مويه ورد الخيار لك
جزاكِ الله خيرًا
ردحذف