مفضلات شهر فبراير ❀ February Favourites

السلام عليكم يا حلووين ♥♥
الصيييف جاء و المكيفات اشتغلت > وناسه p: 
ماأحب الشتا بس يجيب النوم :/
المهم مع هذي الاجواء الحلوه يالله نبدأ البوست

غسول للجسم من ست ايفس - Smoothing Apricot Body Wash from St. Ives
أول شي لفتني فيه انه فيه غسول و سكراب بنفس الوقت مره حبيت الفكره
ريحته منعشه صيفيه ريحة مشمش 
والآحلى مافي بمكوناته بارابين 


مرطب شفايف من بوتس ب جوز الهند واللوز
أول ماشريته ماحبيته حسيته فازلين بريحه جوز هند p:
حطيته جنب السرير وصرت استخدمه قبل لا أنوم
بعد فتره صرت أفرق نفسي اذا كنت مستخدمته قبل لا انوم او لا
خفيف على الشفايف ومايعطيك لون يعني مره حلو تحت الروج 


زيت للشعر من لوريال ايلفيف - Extraordinary oil from l'oreal elvive
شعري نوعه عادي بس أطرافه صايره شوي جافه مع الشتا
أحط هذا الزيت على أطراف شعري وهو مازال شوي رطب تقريباً ٦٠٪ ناشف
مره يطري الشعر ويعطيه لمعه صحيه وأهم شي مايدهن الشعر ولا يخليه هابط وريحته حلوه ♥


الماسكرا الخضراء العضوية  - physicians formula organic wear mascara
شريتها لاني ابغى مسكره استخدمها يومياً بدون مااخاف لا تأذيلي رموشي
المسكره ١٠٠٪ عضوي مافيها كيميكالز ابدا 
انا حبيتها واستخدمتها طول الشهر 
طبعاً فيها عيوب اذا حابين اسوي ريفيو عنها قولولي 

كريم فيتامين اي المضيء من ذا بودي شوب - Vitamin E Illuminating Moisture Cream
الكريم يعطي قلو جميييييل للبشرة ♥
مره مره احبه وهو على وشك يخلص وبرجع اشتريه اكيد

بلشر من اتش اند ام - Dazzling peach blush from H&M
لونه مشمشي راااايق اسمه dazzling peach
اللون نفسه يعطي زي القلو للخد مافيه لمعه بس زي اللي يعكس الاضاءه
هذا سواتش له من النت عشان تفهمو علي

مناكير 281 من ريفلون - revlon 281 classy
اللون يناسب كل الفصول صيف شتا ربيع خريف
اللون على اسمه بالضبط كلاسي وأنيق
أوضح سواتش للون < اللون أهد من الصوره بشوي

عطر قولد من فيكتوريا سيكريت - victoria's secret gold eau de parfum
احب العطور اللي فلورال على فروتي شوي هذا بالضبط كذا ، فيه مسك فالعطر مسائي 
من مكوناته زهر البرتقال واتوقع اي شي فيه هذي الزهره ريحته جميله زي عطر إيلي صعب ♥♥

كريم فيتامين سي - Avalon Organics Vitamin C Cream  
كريم ليلي ♥
مسوي ريفيو كامل عنه هنا


وبس هذي مفضلاتي ♥
تعليقاتكم تسعدني هنا أو على حسابي بالتويتر @RosenHoney1
مع السسلامه ❀