حماية البشرة من ضرر أشعة الشمس

الشمس مفيدة لنا بس للأسف يدخل معها لكوكبنا الأشعة الفوق بنفسجية ( UVA , UVB ) اللي مضرة وتسبب مشاكل كثيرة للبشرة مثل  :

• الجفاف والشحوب
• نمش و تصبغات بالبشرة
• حروق الشمس
• خطوط وتجاعيد ، ٩٠ ٪ من التجاعيد المبكرة سببها الشمس
• و ربي يحفظنا سرطان الجلد

أضرار الشمس تراكمية ممكن تجلس 20 سنه عشان تظهر لنا الأضرار

طيب ايش تقدر نسوي عشان نحمي نفسنا منها :

أولاً : الوقت /

* بين 10 صباحاً ل 3 عصراً تكون الاشعة الفوق بنفسجية مرره قوية فحاولي تتجنبين تطلعين للشمس

وعموما إذا تبين تعرفين متى تكون قوية فيه اختبار بسيط :

إذا كان ظلك أقصر منك » أشعة الشمس قوية 

* الاشعة الفوق بنفسجية موجودة طول السنة سواً الجو بارد أو حار
وعلى فكره فصل الربيع UV rays تكون أقوي شي

ثانياً : الملابس /

الالوان الغامقة تحمي أكثر من الفاتحة ،

حطي ملابسك قدام الشمس اذا شفتي النور الأشعة الفوق بنفسجية تقدر تدخل نفس الشي

ثالثاً: نمشي بالظل /

 لما تكون الشمس قوية أفضل شي نسوي نمشي بالظل لانه يحمينا من الأشعة الفوق بنفسجية ( UV )

رابعاً : واقي الشمس /

واقي شمس دايم يكون بدرجات حماية مختلفة 15 ، 30 ، 50 ، 100 ...

أيش هذي ؟

عامل الحماية من الشمس ( SPF ) : مستوى الحماية اللي قدمها السن سكرين من الاشعة الفوق بنفسجية

كلما زاد الرقم زادت الحماية ، ايش فكرتها بالضبط ؟

* لما استخدم  SPF 30 يعني كل 30 دقيقة كأنني تعرضين ل دقيقة بدون سن سكرين

يعني اذا جلسنا بالشمس لمدة ساعة > كأنني جالسه دقيقتين بدون حماية

* SPF 50 >  كل 50 دقيقة ب دقيقة بدون سن سكرين ..... نفس الفكرة

نسبة الحماية من الشمس :

اختيارنا للرقم يعتمد على الوقت اللي بنجلس فيه بالشمس ومستوى الحماية اللي نبغى

إذا احنا نداوم جوى مبنى وتعرضنا للشمس بس بالطريق ماأحس نحتاج نستخدم  SPF 50 أو  SPF 100

بس SPF 15 أو أقل بالغالب يحمي من حروق الشمس بس للأسف ماتحمينا بعد ربي من سرطان الجلد أو الشيخوخة المبكرة

* SPF 100 مايحمي 100٪ من الشمس > يحمي 99٪ ( فرق بسيط بينه وبين SPF 50 )

استخدام واقي الشمس :

عشان نحصل على الحماية اللي تبغاها

* نحط الواقي بكمية كريمة وكافية ، نوزعه زين على الوجه الأذن الرقبة واليد اي مكان مارح يغطيه الملابس

* وأذا كنا بحط ميك آب نحط الواقي قبل ، ونرجع نحطه تقريبا كل ساعتين

* ماننسى الشفايف نستخدم مرطب معه SPF

THE END 

أعرف كلامي كثير

وفيه كثير مايحب البوست اذا صار كلامه كثير < اختي أذا دخلت بوست طويل تقول ياليل ذي البربارة

بس المعلومات في هذا المجال مرره كثيره و أغلبها مفيدة وغير معروفة 
حاولت اختصر وأقولكم الأفكار الرئيسية 
أن شاء الله أكون بربارة على سنع وتكونو استفدتو

انتظر تعليقاتكم هنا أو على حسابي بالتويتر

See ya