مفضلات اكتوبر الشهر الوردي ❀ October Favorites

السلام عليكم ورحمة الله وبركاته

شهر اكتوبر شهر التوعية بسرطان الثدي وأهمية الفحص المبكر

اذا عمرك فوق الاربعين لازم سنوياً تتطمنين على صحتك وتكشفين بجهاز الماموغرام

اليوم بتكلم لكم عن مفصلاتي الوردية للشهر الوردي 

كنت بحطها صورة بالانستقرام سريعة بس لما جيت أطلع الاشياء لقيتها كثيره وتستاهل اسوي بوست عنها

نبدأ اول شي اللب بتر من لابيلو :  يررررطب صح مو طبقة على الشفايف على الفاضي !

احب احط منه بالليل قبل لا انوم لان يعطي لون ابيض على بنك مو مره حلو :/ 

مرطب eos : شوفي اذا تبين ترطب صح لا بس احب استخدمه لان يعطي ترطيب خفيف اللي احتاجه قبل مااحط روج بذات لو كان مات ، وطعمه حلو :$

ليب بتر من ريفلون " sweet tart " : اللون مثالي فوق اي روج بنك فاتح ، بعضها تطلع فاتحه على وجهي ويصير كأني مريضه ! احط هذا الروج يغمقه لي شوووي بدون مايغير اللون كلياً وتطلع بيرفكت لي 

ماسكرا برجوا الفوشية : الماسكرا مره مره جميلة بس ووتر بروف ف مره صعب إزالتها ما أبالغ لو قلت تقريبا لازم تطيح رمشه اذا جيت اشيلها بس الحق لله ترفع الرموش وتطولها بشكل فضيع 

إضاءة ألف " lilac petal " : اذا تحبين اضاءة بينفت هاي بيم هذي نفسسها بس اللهم أرخص 

 عطر فكتوريا سيكرت " قورجس " : العطر فروتي على شويه فلورال احسه يناسب الصباح و صيفي 

خرب علي البخاخ بفتره قصييرة وتركته على أساس خلاص ماأقدر استخدمه

بعد بفتتتترة اكتشفت إني أقدر أفتحه فصرت افرغ شوي منه بعلبة بودي سبري واعبيه بقلم تعبئة العطور 

كريم يد من فيكتوريا سيكرت " انجل " : كريم للطلعات بالشنطة ريحته تظل لفترة معقولة بس الترطيب خفيف 

عطر فواحة من ذا بودي شوب " وايت مسك "

فير جوسي ايبر : مااتوقع احد مايعرفه من ايام المنتديات والاقلاع

اتذكر قبل مااشتريه لما اشوف شعر فنانات هوليوود يارب تسحرني ويفي بس بطريقة طبيعية 3> هذا بالضبط يطلع كذا ❤️❤️ 

موية ورد من براند تركي شريتها من بن منقاش ماادري ليه بس حبيت هذا المويه بذات 

أول شي لونها مو شفاف احسه هذا صدق p: لان مره سويت مويه ورد بنفسي وطلع لي نفس هذا اللون

البخاخ احط نص مويه ورد نصه مويه مفلتره مع قطرات زيت اي زيت عندك جلسرين اللوز الحلو ... اي زيت يصلح للوجه وبس اطلق بخاخ

لما ارجع من الجامعة اغسل وجهي وانظفه بسسرعه وابخ بالبخاخ ويرجع وجهي مترطب وحيوي بدون حوسه الكريم والخرابيط

عموما البخاخ حاطته على الطاولة جنب السجاده بعد كل صلاة ابخ انتعاااش 

سكراب فليك اوي من سوب اند قلوري : تقشيره حلو ريحته عطريه وترطييب جميل كذا احسني ادلع نفسي لما استخدمه
مكوناته زبدة الشيا و زيت اللوز الحلو و مسحوق بذور الخوخ و ملح البحر والسكر

وبس هذا كان بوست اليوم 

إذا مجربين شي من هذولي قولولي رايكم فيه بالكومينت تحت

أو بحسابي على التويتر أو الانستقرام

بعد لا تنسو تسوولي فلو بحسابي في بلوق لوفن

See ya