كيف تسوين فيشل “تنظيف بشرة“ بالبيت بطريقة سهلة وسريعة ❀ Facial At Home

السلام عليكم ورحمة الله وبركاته

تنظيف البشرة أو الفيشل من الأمور المهمة للعناية بالبشرة واللي مفترض اننا نسويها بين فترة والثانية عشان نحافظ على بشرتنا و النتيجة تكون على الدوام

أسعار الفيشل بالعيادات مرتفعة مع  ان طريقته بالبيت جداً سهله وبسيطة

في بوست اليوم رح اقولكم طريقتي في الفيشل 

الخطوات:

١- تنظيف الوجه 

٢- التقشير 

٣- البخار

٤- الماسك

٥- الترطيب

١- تنظيف الوجه :

قبل ماابدأ، أرفع شعري عن وجهي عشان ارتح انها مارح يطيح ويحوسني 

إذا كنت حاطه ميك اب ازيله ثم استخدم غسول

٢- التقشير :

عشان نشيل خلايا الجلد الميت من البشرة فتستقبل الماسكات والمكونات المفيدة فيه بدون اي حواجز

التقشير نوعين :

تقشير فيزيائي : اللي يكون فيه حبيبات وندعك بشرتنا فيه

تقشير كيميائي : أحماض تذوب الخلايا الميتة بدون دعك منا مثل أحماض الفواكة - يفضل ماتسوي الخطوة اللي بعدها “البخار” اذا كنتي بتستخدمين تقشير كيميائي -

اللي في الصورة مقشر فيزيائي من اكيور أبطل وأفضل مقشر للوجه جربته

مره حبيييته وانصحكم تجربونه (رح اكتب عنه بالتفصيل بالانستقرام ان شاء الله)

شريته من اي هيرب - هنا رابط المنتج -

٣- البخار :

بخار المويه الحار يفتح المسام فالبشرة تتقبل الماسك بشكل أكبر و أيضاً يحرك الدورة الدموية بالوجه فتحسين البشرة تكون نضرة ومنتعشة

تحتاجين :

* وعاء زجاجي عميق

* منشفة كبيرة تتغطين فيها عشان يتركز البخار على الوجه

* إضافات مثل :

- أعشاب : بابونج - زهورات - اكليل الجبل 

- زيوت أساسي مثل اللافيندر - رابط المنتج في اي هيرب - 

٤- الماسك :

أنا استغل الفرصه واستخدم ماسكين 

ماسك تنظيف : 

ماسك طيني عشان ينظف الماسك و يزيل الشوائب من البشرة

هنا استخدم ماسك الطين الهندي مع خل التفاح العضوي - هنا بوست كتبت عنه بالتفصيل -

ماسك ترطيب : بعد ماسك الطين البشرة تكون جداً نظيييفه فاستخدم ماسك مغذي ومرطب 
 استخدمت : زبادي - عسل - مطحون 

٥- الترطيب : 

هنا اسوي روتين عنايتي الليلي تونر - سيروم - ومرطب الوجه والشفايف

وحمد الله خلصنا 

نصائح : 

١- اعرفي بشرتك واستخدمي المنتجات المناسبة لها

٢- أفضل وقت للفيشل هو الليل لان وقت النوم البشره تجدد خلاياها وهي نظيفه و عشان تسمحين لبشرتك تجلس لأطول فترة بدون ميك اب 

٣- غيري قماش الوسادة قبل ماتسوي الفيشل لانها أرض خصبة للبكتيريا وخلايا الجلد الميت 

٤- اتركي جوالك واستغلي الفرصه انك تسترررررخي -شغلي شمعه بريحة هادية عشان تساعدك على الاسترخاء-

انستقرام : rosenhoney@
تويتر : rosenhoney1@

bye